అజరామరం
*అ* జరామరత్వమై
*ఆ* నంత సౌశీల్య సరాగమై
*ఇ*ంపైన సోగసులతో
*ఈ* శ్వర సంకేతమై
*ఉ* షోదయ ఉషస్సులో
*ఊ* యాలుగే నా మాతృభాష...
*ఋ* ణము తీర్చుకోలేని సంబరాల సంతోషమై..
*ఎ* దలోని భావాలను
*ఏ* నాటికి వీడిపోని
బంధముగా
*ఐ* కమత్య హోరుతో
*ఒ* కే పదమై, వాక్యమై
*ఓ* నమాలు దిద్దుతూ
భవితతో సాగిపోయె నా అమ్మభాష...
*ఔ* రా! తెలుగు భాష అనేలా
*అం* తరంగపు ఆత్మీయతను పంచుతూ
*క* నులముందు కదలాడి
*ఖ* గము వలె పయనిస్తూ
*గ* గనతలమున నిలిచె
*ఘ* నమైన నా మాతృభాష...
*చ*ంపకమాల చందమై
*ఛ*ందస్సుతో అలరారుతూ
*జ* న్మతః మొదలై
*ఝ* రిసరాగల సంగమమై
*ట* క్కున గుర్తులనిచ్చు
*డ* మడమ చప్పుళ్ళలతో
*ఢ* ంకా భజాయిస్తూ
*త* ళుకులీనుతున్న నా తల్లిభాష....
*ద* యను పంచినా
*ధ* రణి ఒడిలోన చైతన్యమై
*న* టరాజు నర్తనమై
*ప* లుకుబడులతో పరవశిస్తూ
*ఫ* లాలను అందిస్తూ
*బ*ంగరు బాటలో
*భ* వితల పోరులో
*మ* మకారము పంచు మహోన్నత భాష...
*య* వని వేకువకిరణమై
*ర* మణీయ కావ్యాలతో
*ల* తాలలనల పదసంపదతో
*వ* రమై మనసున వికసిస్తూ
*శ* శిరేఖల సాహిత్య వేదికయై
*స* మస్త లోకానికి సన్నిధియై
*హ* యిని పంచి హలములా స్యేదించు
*క్ష* ణము గడిచిన మనము వీడని మన మాతృభాష తెలుగుభాష....
తెలుగుభాషా దినోత్సవ శుభాకాంక్షలతో
-సి.హెచ్. రజిత,
పెద్దపల్లి.