ముత్యాల పేరులు
-------------------
ఆకాశంలో మెరిసింది
అవకాశంతో మురిసింది
అందించే నింగికి అందం
స్పందించే సింగిడి బంధం. !
తుమ్మెదలు ఎన్నో నిల్చి
పువ్వులపై యద వాల్చి
మధువును త్రాగేస్తున్నవి
ముదమున వూగేస్తున్నవి !
సీతకు తిలకం ముద్దు
మాపాపకు పాపిట కద్దు
మెడకు హారం శింగారం
మేడకు ద్వారం బంగారం !
ప్లాస్టిక్ వినియోగం
ప్రాణానికి శని యాగం
అవగాహన కలిగిద్దాం
అరికడితే సంతోషిద్దాం !
ఎంచుకో ఆరోగ్య అలవాట్లు
పెంచుకో నీ ఆరోగ్యం ఫీట్లు
మదిలో ఆనందం పెంచుకో
ఆయుష్మాన్ భవనిపించుకో !
పరిసరాలు పరిశుభ్రంగా
ప్రకృతి ఇల సహజాతంగా
అభిష్టంగా నీవు చేసిచూపు
నిర్దిష్టంగా ఉండాలిక రూపు !
ఏది సహజమైన పవనం
లేదు సహజమైన భోజనం
లేనేలేదు సహజమైన నవ్వు
కలుషిత యాంత్రికం పువ్వు !
ట్రాఫిక్ నియమాలను మీరొద్దు
మీరితే జరిమానా కట్టుటకద్దు
చేస్తారు ఎందుకు రాద్ధాంతం
గౌరవించే చట్టాల సిద్ధాంతం !
అమ్మగార్లు అంతా టీవీలకు
నాన్నగార్లు అంతా సెల్ఫోన్లకు
పిల్ల జిల్లా అంతా ఆన్లైలకు
కలి ఆకలి కాలం విలువలు !
వరకట్నం ఎవరి ధనం అని
సంగ్రహించే నీఇంధనం కని
చేయకు నీవు ఆశల వమ్ము
నిమ్మలంగ ఇక ఉండనిమ్ము !
గుర్రాల లక్ష్మారెడ్డి, కల్వకుర్తి.
సెల్ నెంబర్.9492387977.
నాగర్ కర్నూల్ జిల్లా.